ابتسم .. انت في غزة !!

من طرف **KeRa** الخميس يوليو 16, 2009 5:56 am

ابتسم فأنت في غزة

شو حلوة يا بلدي
شو حلوة يا عادات بلدي

إذا بيوم من الأيام حضرت عرس .. ونزلت الشباب عالدبكة
وبلش العرق يزرب .. وحميت مع أبو اسماعين (رقيب متقاعد)
وسحب الكلاشنكوف وطرررررررررررر... بلش طخ عن جنب وطرف وهو برقص وبدبك
وسقط ثلاث شهداء من جراء القصف العشوائي
إبتسم فأنت تحضر عرس في غزة

ابتسم .. انت في غزة !! 40

إضا تجوزت .. والناس واقفينلك عالمسطرة بتستنا اسبوع العسل لما يخلص عشان يفيعو عليك
ويهجموا هجمة رجل واحد .. كل واحد فايت يا جيبلك طقم فناجين قهوة .. يا صينية ..
وبالآخر بتحوشلك سبعطعش طقم قهوة وحدعش صينية واستنا مناسبات عشان ترجعها لصحابها
بتكون بتمارس واجباتك الاجتماعية في غزة ... إبتسم

ابتسم .. انت في غزة !! 40

إذا فتت إنت ومرتك أو خطيبتك أو صاحبك على قهوة وأجتك المنيو ..
القهوة 3 شيكل
والميلك بالفراولة 6 شيكل
وحضرتك طلبتهم شو 9 شيكل ... ولا إيشي
ولما أجت الفاتورة ولا هي بقدرة قادر خمستعشر شيكل
كيف ما بتعرف
ابتسم .. انت بتمارس الرفاهية في مطاعم غزة

ابتسم .. انت في غزة !! 40

إذا كنت قاعد على مكتبك بوظيفتك
وكل المراجعين اللي أجوك طلعوا يا قرايبك يا نسايبك يا مخاولك ( سام هاو)
وكل واحد اللي بيسألك بتعرف فلان الفلاني .. هذا ابن عم جدتها لبنت عم مرت أخوي اللزم
ابتسم فأنت في غزة

ابتسم .. انت في غزة !! 40

إذا كنت بصلاة الجمعة كلك إيمان وخشوع بعد الخطبة المؤثرة
والإمام صوته ما شاء الله بيدغدغ القلوب
وأول ما يسلم الإيمان وخلصت الصلاة سمعت:
أحمر يا زر البندورة .. بخمسة شيكل البوكسه بخمسة شيكل أصابيع البوبو
يا خياااااااااااااااااااار .. أربعة كيلو بخمسة شيكل ... يا الله يالله عالسكين يا بطييييييييخ
أحمر أحمر يا بو قرعة ..
ابتسم وابتسم وخلي طواحينك يبينو .. إنت على باب جامع بغزة